on
عتاب محمود: شر البلية ما يضحك,,,
عتاب محمود: كلنا شركاء
أحد الناشطين الثوريين في ريف إدلب يوجه رسالة (معبّرة) لأهل حلب
نشر أحد الناشطين السوريين, على صفحته على الفيس بووك, ما قال إنّه رسالة ترحيب بالنازحين من أهل حلب,
وهي رسالة من نوع الكوميديا السوداء,,,
وكما لاحظنا من كثرة التعليقات المؤيدة لمضمونها,, فإننا نرى أنّها تعبر عن رأي شريحة واسعة في المناطق المحررة,
تلك الشريحة التي باتت ترى ضرورة إعادة النظر في كل الحسابات السابقة,, وبكل الشعارات والرايات والتحزبات,, وغرف العمليات,, التي أوصلتنا لما وصلنا إليه…
وحتى لا نطيل عليكم,,,
يقول الناشط في منشوره:
رسالة إلى أهالي حلب القادمين إلى الريف المحرر:
أهلا و سهلا بكم في المناطق المحررة و بعد…
قانون 1: ممنوع رفع راية الثورة.
قانون 2: كفوا ألسنتكم عن المجاهدين.
قانون 3: الإيجار بالدولار.
قانون 4: ممنوع استخدام مصطلح الحرية.
قانون 5: “أنت برا سوريا و عمتحكي “,
والمقصود من هذا القانون: لا يجوز لمن هو خارج سورية , من أقربائكم, أن يبدي رأيه بما يحدث في الداخل.
طبعاً, لا تنسوا أنّ الديمقراطية كفر,,, هذا مو قانون,, هذه بديهية,,,
أما إذا سمعتم أهل الذقون يخاطبونكم بالقول: والله ما خرجنا إلا لنصرتكم,,,
وقتها لا تدققوا,, هادا شي منو كتير…
و راح تشوفوا للأسف إنو سفهاء الناس عم يتحكموا بخيرة الناس باسم الدين,,,
وما بتقدروا تقولوا إلا حسبنا الله ونعم الوكيل,,,
بكرا بتتعودوا…
بعدين لا تستغربوا كثرة أهل الذقون, الطويلة,,
هدول مو متشددين,,, هدول جماعة حساسين كتير,,
ومن كتر الحساسية بطلوا يحلقوا دقونن…
على أي حال:
أهلا بكم في حضن الوطن الجديد,, وهو بيشبه كتير حضن (دنب الكلب) سوريا الأسد,,
بس بنكهة جديدة: “بنكهة إسلامية “أو هيك هنن بيسموها.
يعني باختصار: خلافة على منهاج الأسد.